სირიაში, ოპერაცია „გაზაფხულის ფარის“ ზონაში, ერთი ჯარისკაცი დაიღუპა
სირიაში, ოპერაცია „გაზაფხულის ფარის“ ზონაში, ერთი ჯარისკაცი დაიღუპა, 4 კი დაიჭრა
სირიაში, ოპერაცია „გაზაფხულის ფარის“ ზონაში, სარაკეტო თავდასხმის შედეგად ერთი ჯარისკაცი დაიღუპა, 4 კი დაიჭრა.
ეროვნული თავდაცვის სამინისტროს მიერ გაკეთებული განცხადების თანახმად, გუშინ ოპერაცია „გაზაფხულის ფარის“ ზონაში სარაკეტო შეტევა განხორციელდა მომარაგების კოლონაზე. თავდასხმის შედეგად ერთი ჯარისკაცი დაიღუპა და 4 კი დაიჭრა. დაშავებული ჯარისკაცები სასწრაფოდ საავადმყოფოში გადაიყვანეს.
თურქეთის დიდი ეროვნული მეჯლისის (TBMM) თავმჯდომარემ, მუსტაფა შენთოფმა იდლიბში, ოპერაცია „გაზაფხულის ფარის“ ზონაში დაღუპული ჯარისკაცის გამო Twitter -ით სამძიმრის გზავნილი გააკეთა და მასში ნათქვამია: „ღმერთის წყალობა ჩვენს გმირ ჯარისკაცს, რომელიც ვერაგული თავდასხმის შედეგად დაიღუპა, დაჭრილ ჯარისკაცებს მალე გამოჯანმრთელებას ვუსურვებ. სამძიმარს ვუცხადებ ჩვენს ერს.”
ვიცე-პრეზიდენტმა, ფუათ ოქთაიმ ასევე სოციალური ქსელით გაკეთებულ განცხადებაში აღნიშნა: „ჩვენს დაღუპულ გმირ ჯარისკაცს ღმერთის წყალობას და დაჭრილ ჯარისკაცებს მალე გამოჯანმრთელებას ვუსურვებ. სამძიმარს ვუცხადებ ჩვენს ძვირფას ერს."
კომუნიკაციების დეპარტამენტის ხელმძღვანელმა, ფაჰრეთინ ალთუნმა სოციალური ქსელით გავრცელებულ სამძიმრის წერილში აღნიშნა: "ღმერთის წყალობა ჩვენს დაღუპულ გმირ ჯარისკაცს და მალე განკურნებას ვუსურვებ დაჭრილ ჯარისკაცებს. ვუსამძიმრებ ჩვენს ერს. ჩვენი მტკიცე ბრძოლა გაგრძელდება მანამ, სანამ ძირფესვიანად არ გავანადგურებთ ტერორისტულ ორგანიზაციას."
მსგავსი ინფორმაციები
ჰაქან ფიდანმა PKK-ს პროვოკაციების შესახებ განცხადება გააკეთა
ჰაქან ფიდანმა PKK-ს პროვოკაციების შესახებ განცხადება გააკეთა