თურქეთი მნიშვნელოვან მინისტერიალს უმასპინძლებს

თურქეთ-აზერბაიჯან-თურქმენეთის საგარეო საქმეთა მინისტერიალის მე-5 შეხვედრას თურქეთი უასპინძლებს.

თურქეთის საგარეო საქმეთა სამინისტროდან გავრცელებული ინფორმაციის თქნხმად, თურქმენეთის მინისტრთა კაბინეტის თავმჯდომარის მოადგილე და  საგარეო საქმეთა მინისტრი რაშიდ მერედოვი ხვალ თურქეთს ეწვევა. ვიზიტის ფარგლებში თურქეთ-თურქმენეთს შორის ურთიერთობები და რეგიონალური საკითხები იქნება განხილული. სავარაუდოდ, რაშიდ მერედოვს პრეზიდენტი რეჯეფ თაიფ ერდოღანიც მიიღებს. ამავე ინფორმაციით, ხვალ თურქეთს ასევე აზერბაიჯანის საგარეო საქმეთა მინისტრი ჯეიჰუნ ბაირამოვიც ეწვევა, რომელიც თურქეთ-აზერბაიჯან-თურქმენეთის საგარეო საქმეთა მე-5 მინისტერიალში მიიღებს მონაწილეობას. ბაირამოვი ასევე თავის თურქ კოლეგა, ჩავუშოღლუსთანაც გამართავს პირისპირ შეხვედრას. სამმხრვ მინისტერიალზე ქვეყნებს შორის ურთიერთობები, რეგიონალური საკითხები და სამომავლოდ გადასადგმელი ნაბიჯები იქნება განხილული.