ჩავუშოღლუ აზერბაიჯანელ კოლეგას ტელეფონით ესაუბრა

საგარეო საქმეთა მინისტრი მევლუთ ჩავუშოღლუ, აზერბაიჯანელ კოლეგას ჯეიჰუნ ბაირამოვს, მთიან ყარაბაღში არსებულ ვითარებაზე ესაუბრა.

აზერბაიჯანის საგარეო საქმეთა სამინისტროს მიერ გაკეთებული განცხადების თანახმად, საგარეო საქმეთა მინისტრ მევლუთ ჩავუშოღლუსა და მის აზერბაიჯანელ კოლეგას ჯეიჰუნ ბაირამოვს შორის სატელეფონო საუბარი შედგა.

მინისტრებმა რეგიონში მდგრადი მშვიდობის უზრუნველსაყოფად ხაზი გაუსვეს აზერბაიჯანის მიწების ოკუპაციისგან განთავისუფლების მნიშვნელობას.

ბაირამოვი გუშინ რუსეთის დედაქალაქ მოსკოვში თავის რუს კოლეგას, სერგეი ლავროვს შეხვდა და მთიან ყარაბაღში განვითარებული მოვლენები განიხილა.