უხანიდან ევაკუირებულები კარანტინზე აიყვანეს

ჩინეთის ქალაქ უხანიდან აფრენილი თურქეთის შეიარაღებული ძალების სასწრაფო დახმარების თვითმფრინავი, რომელმაც ევაკუირება გაუკეთა ამ ქალაქში მცხოვრებ თურქებს და სხვა ქვეყნის მოქალაქეებს, წუხელ, 33-საათიანი მოგზაურობის შემდეგ, თურქეთის დროით 21 საათზე, ანკარის ეთიმესკუთის სამხედრო აეროპორტში დაეშვა. თვითმფრინავის ეკიპაჟს და ევაკუირებულებს, თურქეთის ჯანდაცვის მინისტრი ფაჰრეტტინ ქოჯა დახვდათ, რომელმაც განაცხადა, რომ უხანიდან  ჩამოყვანილ 42 მოქალაქეს შორის არც ერთს არ აღმოაჩნდაკორონავირუსით დაავადების ნიშნები. მისივე თქმით, 42 ევაკუირებულს შორის 32 თურქეთის მოქალაქეა, 6 აზერბაიჯანის, 3 საქართველოს და ერთიც ალბანეთის. ყველა ჩამოყვანილი დედაქალაქის ერთ ერთი საავადმყოფოში სპეციალურად გახსნილ განყოფილებაში გადაიყვანეს, სადაც ისინი კარანტინში დარჩებიან ორი კვირის განმავლობაში და ჩაუტარდებათ ყველანაირი სამედიცინო კვლევები