თურქეთის უპილოტო საფრენმა აპარატებმა სირიის  „უსაფრთხო ზონაში“ საკონტროლო ფრენები დაიწყეს

თურქეთის ეროვნული თავდაცვის სამინისტროდან გავრცელებული ინფორმაციის თანახმად, აშშ-სთან,  სირიის ჩრდილო-აღმოსავლეთში „უსაფრთხო ზონის“ შექმნის თაობაზე მიღწეული შეთანხმების ფარგლებში მათმა  უპილოტო საფრენმა აპარატებმა (İHA) რეგიონში  მოვალეობის შესრულება დაიწყეს. თავდაცვის უწყებამ,   ანკარა-ვაშინგტონს შორის  სირიის ჩრდილო-აღმოსავლეთ ნაწილში „უსაფრთხო ზონის“ შექმნის თაობაზე მიღწეული შეთანხმების საკითხზე  ახალი განცხადება გაავრცელა, რომელშიც ნათქვამია: „აშშ-სთან კოორდინირებულად, სირიის ჩრდილო-აღმოსავლეთში ‘უსაფრთხო ზონის’ და ერთობლივი ოპერაციის ცენტრის ჩამოყალიბებს, რომელიც შანლიურფაში უნდა განთავსდეს,   სამუშაოები გრძელდება. სწორედ ამის ფარგლებში ჩვენმა უპილოტო საფრენმა აპარატებმა (İHA) რეგიონში საკონტროლო ფრენები დაიწყეს.“  მეორეს მხრივ,  დიარბაქირის მე-7 კორპუსის მეთაური გენერალ-ლეიტენანტი სინან იაილა და სხვა დელეგაციის წევრები შანლიურფაში ჩავიდნენ სადაც,  ერთობლივი ოპერაციის ცენტრის ჩამოყალიბებასთან დაკავშირებით თურქეთში მყოფ ამერიკულ დელეგაციას შეხვდებიან და სამომავლო გეგმებს განიხილავენ.