თურქეთი გაერო-ს მიერ ხაშოგის მკვლელობასთან დაკავშირებით მომზადებულ ანგარიშს აფასებს
თურქეთი გაერო-ს მიერ ხაშოგის მკვლელობასთან დაკავშირებით მომზადებულ ანგარიშს აფასებს
თურქეთი, გაერო-ს სასამართლოსგარეშე აღსრულების გამომძიებლის, აგნეს კალამარდის მიერ ჟურნალისტ, ჯემალ ხაშოგის მკვლელობასთან დაკავშირებით მომზადებულ ანგარიშს სრულ მხარდაჭერას უცხადებს და დამნაშავეების გასამართლებას ითხოვს. საკითხთან დაკავშირებით საგარეო საქმეთა სამინისტრომ წერილობითი განცხადება გაავრცელა, რომელშიც ნათქვამია: „ჩვენ მოვუწოდებთ, გაერო-ს ყველა წევრ სახელმწიფოებს და შესაბამის საერთაშორისო ორგანოებს ამ რეკომენდაციების აღსრულებაში მხარი დაუჭირონ. გაერო-ს სასამართლოსგარეშე აღსრულების გამოძიების მიერ მომზადებული ანგარიში, თურქეთის შესაბამისი უწყებების მიერ დეტალურად წარმოებულ გამოძიებასაც ადასტურებს.“ გაერო-ს სასამართლოსგარეშე აღსრულების გამომძიებელი, აგნეს კალამარდი მიმდინარე წლის 28 თებერვალ - 3 მარტს შორის საკითხთან დაკავშირებით თურქეთში იმყოფებოდა. მან, დაახლოებით ოთხ თვიანი სამუშაოს შემდეგ ჯემალ ხაშოგის მკვლელობასთან დაკავშირებით ანგარიში მოამზადა, რომელშიც აღნიშნულია, რომ Washington Post-ის საუდელი ჟურნალისტ ჯამალ ხაშოგის მკვლელობაში საუდის არაბეთის მემკვიდრე პრინცი მუჰამედ ბინ სალმან ალ-საუდია პასუხისმგებელი.
შეგახსენებთ, რომ Washington Post-ის საუდელი ჟურნალისტი ჯემალ ხაშოგი 2018 წლის 2 ოქტომბერს სტამბოლში მდებარე საუდის არაბეთის საკონსულოში მეუღლესთან გაყრის შესახებ საბუთის ასაღებად მივიდა, სადაც იგი სასტიკი მეთოდით მოკლეს.
მსგავსი ინფორმაციები
თურქეთსა და აშშ-ს შორის ტერორიზმის წინააღმდეგ ბრძოლის საკითხში კონსულტაციები გაიმართა
თურქეთსა და აშშ-ს შორის ტერორიზმის წინააღმდეგ ბრძოლის საკითხში კონსულტაციები გაიმართა