ერდოღანმა  ტაჯიკეთიდან დაბრუნებისას ჟურნალისტებთან საუბრისას  მნიშვნელოვანი განცხადებები გააკეთა

პრეზიდენტმა რეჯეფ ტაიფ ერდოგანმა განაცხადა, რომ შეუძლებელია მათ შეაჩერონ რუსეთისგან S-400 საჰაერო თავდაცვის სისტემის შესყიდვა. ერდოღანმა, ტაჯიკეთიდან დაბრუნებისას თვითმფრინავში ჟურნალისტებთან დღის წესრიგთან დაკავშირებით მნიშვნელოვანი განცხადებები გააკეთა. „’S-400’ -ის შესყიდვაზე  უარის თქმა შეუძლებელია. საკითხი უკვე გადაწყვეტილია. ვიმედოვნებ, რომ მომავალ თვეში სისტემის თურქეთში გადმოცემა დაიწყება.  აშშ-ს მიერ ჩვენი თავდაცვის სამინისტროსათვის S-400-ბის საკითხთან დაკავშირებით გამოგზავნილი წერილის პასუხისათვის მუშაობა გრძელდება. უახლოეს ხანებში,  შეიძლება ამ  კვირაშიც  საპასუხო წერილი გაიგზავნება. S-400-ბის საკითხთან დაკავშირებით ჩვენი პოზიცია მტკიცეა. რუსეთთან მემორანდუმი გვაქვს გაფორმებული ამიტომ, შეუძლებელია მათი შესყიდვის  შეჩერება.  რაც შეეხება, ავიაგამანადგურებელ F-35-ის საკითხს, აშშ-სთვის წინასწარ 1 მილიარდ 250 მილიონი დოლარი გვაქვს გადახდილი. ჩვენ, ჩვენზე დაკისრებული ვალდებულება პირნათლად შევასრულეთ რა, ანალოგიურს ვითხოვთ მოპასუხე მხარისგანაც.   4 ერთეული ავიაგამანადგურებელი  F-35 გადმოგვეცა. ისინი ამჟამად არიზონაში იმყოფებიან. ჩვენმა პილოტებმა შესაბამისი განათლებაც მიიღეს მაგრამ, გადმოცემის საკითხთან დაკავშირებით სამწუხაროდ ჩვენი პარტნიორები არასწორად იქცევიან.  F-35-ების ზოგიერთი ნაწილები თურქეთში მზადდება. F-35-ების თურქეთზე გადმოცემის საკითხთან დაკავშირებით წარმოქმნილ კრიზის  G20-ის სამიტზე პრეზიდენტ ტრამპთან შეხვედრაზე განვიხილავთ. ასევე მინდა ავღნიშნო, რომ ტრამპსა და აშშ-ს სახვა ოფიციალურ პირებს შორის არათანმიმდევრული განცხადებები კეთდება რაც ქვეყნის მართვის პოლიტიკასაც არ შეესაბამება. ნურავის დაავიწყდება, რომ როგორც ამერიკა ასევე ჩვენც ნატოს წევრი ქვეყანა ვართ,“ განაცხადა ერდოღანმა თვითმფრინავში ჟურნალისტებთან საუბრის დროს.