ბართლომეოსმა უკრაინის ეკლესიის ავტოკეფალიის დამადასტურებელ ტომოსს ხელი მოაწერა

ფენერის ბერძენმა პატრიარქმა (მსოფლიო პატრიარქი)  ბართლომეოსმა უკრაინის ეკლესიის ავტოკეფალიის დამადასტურებელ ტომოსს ხელი მოაწერა. ტომოსზე  ხელის მოწერის  საზეიმო ცერემონია სტამბოლში გაიმართა, რომელსაც  უკრაინელ სასულიერო პირებთან ერთად, ქვეყნის  პრეზიდენტი პეტრო პოროშენკო ოჯახთან ერთად და მთავრობის სხვა წარმომადგენლები ესწრებოდნენ.

მეორეს მხრივ ტომოსის ხელმოწერის საზეიმო ცერემონიალზე დასწრების მიზნით სტამბოლში მყოფმა უკრაინის პრეზიდენტმა თავის თურქ კოლეგა,  რეჯეფ თაიფ ერდოღანსაც შეხვდა.  ვაჰდეთინის სასახლეში გამართული ერდოღან-პოროშენკოს პირისპირი,  პრესისათვის დახურული შეხვედრა 1 საათსა და 15 წუთს გაგრძელდა.