დღეს თურქეთის პრეზიდენტის ინაუგურაციის ცერემონია გაიმართება

დღეს,  ანკარაში პრეზიდენტის სასახლეში  თურქეთის პრეზიდენტის,  რეჯეფ თაიფ ერდოღანის ინაუგურაციის ცერემონია გაიმართება. ერდოღანის ინაუგურაციის ცერემონიალს 22 ქვეყნის პრეზიდენტი, 28 ქვეყნის პრემიერმინისტრი და პარლამენტის თავმჯდომარესთან ერთად 6 საერთაშორისო ორგანიზაციის გენერალური მდივანი დაესწრებიან. პრეზიდენტი ერდოღანი თურქეთის დროით 16:30 საათზე დიდ ეროვნულ მეჯლისში ფიცს დადებს შემდეგ კი სახელმწიფოს ჩამომყალიბებელ,  ათათურქის მავზოლეუმს მოინახულებს. ინაუგურაციის ცერემონია პრეზიდენტის სასახლეში ადგილობრივი დროით 18:00 საათზე დაიწყება. ერდოღანის ინაუგურაციას ბულგარეთის, საქართველოს, მაკედონიის, მოლდოვას, სერბეთის, კოსოვოს, პაკისტანის, ჩრდილოეთ კვიპროსის თურქული რესპუბლიკის, ყირგიზეთის, სუდანის, გვინეის და სხვა ქვეყნების პრეზიდენტებთან ერთად, ბოსნია და ჰერცოგოვინის საპრეზიდენტო საბჭოს ბოსნიური წევრი, ბექირ იზზეთბეგოვიჩი, კატარის ემირი,  შეიხ თემის ბინ ჰამედ ალ სანი და სხვადასხვა ქვეყნების წარმომადგენლები დაესწრებიან. ერდოღანის ინაუგურაციის ცერემონიის დასრულების შემდეგ სტუმრების საპატივცემულო ვახშამი გაიმართება.