ბოზდაღი: „ცეცხლის შეწყვეტის გადაწყვეტილება აფრინს არ მოიცავს“
ბოზდაღი: „ცეცხლის შეწყვეტის გადაწყვეტილება აფრინს არ მოიცავს“
თურქეთის ვიცეპრემიერმა და მთავრობის პრესსპიკერმა ბექირ ბოზდაღმა განაცხადა, რომ გაეროს უშიშროების საბჭოს მიერ სირიის მიმართ მიღებული ერთ თვიანი „ჰუმანიტარული ცეცხლის შეწყვეტის“ რეზოლუცია აფრინის რეგიონს არ მოიცავს. ბოზდაღმა ამის შესახებ პარლამენტში ჟურნალისტებთან საუბრის დროს განაცხადა. „რეზოლუციას თუ გადახედავთ განსაკუთრებით აღმოსავლეთ გუტა და სხვა ზოგიერთი რეგიონებია მოხსენიებული, აფრინი არ არის. ამიტომ ეს რეზოლუცია ტერ ორგანიზაცია, PKK-ს სირიის განშტოება, PYD-YPG-ს და DEAŞ-ის წინააღმდეგ ბრძოლას არ მოიცავს. ტერ ორგანიზაციები ყველა ერთია. ის რომ, აშშ-ს მიერ არ აღიარებული ტერ ორგანიზაციის წინააღმდეგ ბრძოლა არ შეიძლება, ეს არალოგიკურია. ცეცხლის შეწყვეტის რეგიონებში აფრინი არ შედის, ამიტომ, თურქეთი აღნიშნულ რეგიონში ანტიტერორისტულ ოპერაციებს აგრძელებს,“ განაცხადა ბოზდაღმა. მისივე თქმით ოპერაცია „ზეთისხილის რტო“-ს ფარგლებში რეგიონის მოსახლეობას ჰუმანიტარული საჭიროებების წვდომაში არანაირი პრობლემები არ აქვთ.
