გირესუნში სამხედრო ვერტმფრენის ჩამოვარდნის შედეგად 7 ადამიანი დაიღუპა

თურქეთის ქალაქ, გირესუნში სკორსკის ტიპის ვერტმფრენი ჩამოვარდა, რის შედეგადაც 7 ადამიანი დაიღუპა 8 კი დაშავდა. ვერტმფრენს სამხედრო მაღალჩინოსნებთან ერთად მეუღლეები და ბავშვები გადაჰყავდა. ვერტმფრენი გუშინ გირესუნის ალუჯას რაიონის სოფელ, თომუმლუქის მახლობლად  ადგილობრივი დროით 17:15 წუთზე ჩამოვარდა. რამაზან ბაირამის გამო გირესუნში მყოფმა ვიცეპრემიერმა ნურეთთინ ჯანიქლიმ მომხდარის შემდეგ განცხადება გააკეთა და აღნიშნა, რომ  ვერტმფრენის ჩამოვარდნის მიზეზი უამინდობა გახდა და მის მიმართ არანაირი თავდასხმა არ განხორციელებულა. მომხდართან დაკავშირებით პრეზიდენტმა რეჯეფ თაიფ ერდოღანმა გენერალური შტაბის ხელმძღვანელ, ჰულუსი აქარისგან ინფორმაცია მიიღო.

ოფიციალური პირების მიერ გავრცელებული ინფორმაციით ჩამოვარდნის მიზეზად უამინდობა დასახელდა.