„აიაქსი“-ს ზღაპარი გრძელდება

გუშინ, UEFA-ს  ჩემპიონთა ლიგის პირველ ნახევარფინალურ მატჩში „აიაქსმა“ სტუმრად  „ტოტენჰემი“ 1-0 დაამარცხა. 57 წლიანი პაუზის შემდეგ ნახევარფინალში გასული ინგლისური კლუბი ტოტენჰემი, 22 წლის შემდეგ ნახევარფინალში გასულმა ჰოლანდიურმა კლუბმა, აიაქსმა პირველ შეხვედრაში დაამარცხა და საპასუხო მატჩის წინ უპირატესობა მოიპოვა. აიაქსის გოლი მე-15 წუთზე  ვან დე ბეკმა  გაიტანა. ამ ორ კლუბს შორის საპასუხო შეხვედრა ამსტერდამში 8 მაისს გაიმართება.