სიურპრიზი ბარსელონას

წუხელ ევროპის ჩემპიონთა ლიგაში საპასუხო მეოთხედფინალური მატჩები გაიმართა და მის ფარგლებში იტალიის კლუბმა რომმა ნამდვილი სასწაული მოახდინა, რადგან, პირველ შეხვედრაში იგი დიდი ანგარიშით, 4:1 იყო დამარცხებული მესის ბარსელონასთან და მცირედი შანსი ჰქონდა ნახევარფინალში გასვლისა, მაგრამ, მან ეს მცირე შანსი ბრწყინვალედ გამოიყენა, 3:0 დაამარცხა მრისხანე ესპანური კლუბი და ორი თამაშის შედეგით იტალიური კლუბი გავიდა მომდევნო ეტაპზე. მეორე წყვილში ერთმანეთს ორი ინგლისური კლუბი, ლივერპული და მანჩესტერ სიტი შეხვდნენ და აქ ორივე მატჩი ლივერპულმა მოიგო და მეორე ნახევარფინალისტის საგზური მან მოიპოვა. დღეს კიდევ ორი მატჩი შესდგება, მიუნხენის ბაიერნი ესპანეთის სევილიას, ხოლო მადრიდის რეალი იტალიის იუვენტუსს შეხვდება და დანარჩენი ორი ნახევარფინალისტიც გამოვლინდება