ასტანის მოლაპარაკებების მორიგი რაუნდი დაიწყო

თურქეთის, რუსეთისა და ირანის გარანტორობით ორგანიზებული სირიის საკითხებზე 22-ე ასტანის მოლაპარაკებები  ყაზახეთის დედაქალაქში დაიწყო.

მოლაპარაკებები ორი დღე გაგრძელდება.

ყაზახეთის საგარეო საქმეთა სამინისტროს განცხადების თანახმად, მოლაპარაკებების პირველ დღეს გაიმართება ორმხრივი და სამმხრივი საკონსულტაციო შეხვედრები დელეგაციებს შორის. მეორე დღეს კი ჩატარდება ერთობლივი სხდომა და პრესკონფერენცია.

სირიის კრიზისის გადასაჭრელად შექმნილი ასტანის მოლაპარაკებების 22-ე რაუნდზე განიხილება ისეთი საკითხები, როგორიცაა რეგიონული სიტუაცია სირიის გარშემო, ძალისხმევა ქვეყანაში ყოვლისმომცველი გადაწყვეტის მიმართულებით, ჰუმანიტარული და არსებული ვითარება ქვეყანაში, ნდობის აღმდგენი ღონისძიებები მხარეებს შორის, სირიის რეკონსტრუქცია და სირიელი ლტოლვილების სამშობლოში დაბრუნების პირობები.

ასტანის გარანტორები ბოლოს შეხვდნენ ერთმანეთს ყაზახეთის დედაქალაქ ასტანაში მიმდინარე წლის, 24-25 იანვარს.