ნეთანიაჰუმ თავდაცვის მინისტრი იოავ გალანტი თანამდებობიდან გაათავისუფლა

ისრაელის პრემიერ-მინისტრმა ბენიამინ ნეთანიაჰუმ თავდაცვის მინისტრი იოავ გალანტი თანამდებობიდან გაათავისუფლა.

პრემიერის პრესსამსახურის წერილობით განცხადებაში აღნიშნულია, რომ გალანტი თანამდებობიდან გაათავისუფლეს.

განცხადებაში ნეთანიაჰუმ თქვა: „(გალანტს) ჩვენს შორის ნდობა შეირყა. ჩვენს შორის არსებული სიცარიელის ამოვსება ვცადე, მაგრამ ის უფრო გაღრმავდა“.

ადგილობრივი პრესის ინფორმაციით, გალანტის მაგიერ თავდაცვის მინისტრად ამჟამინდელი საგარეო საქმეთა მინისტრი ისრაელ კაცი დაინიშნა.

მეორე მხრივ, გალანტის თანამდებობიდან გათავისუფლების გამო პროტესტის ნიშნად დედაქალაქ თელ-ავივში ბევრი ადამიანი ქუჩაში გამოვიდა.

მომიტინგეებმა აიალონის გამზირზე მოძრაობა გადაკეტეს, ცეცხლი დაანთეს და ნეთანიაჰუს წინააღმდეგ ლოზუნგებს სკანდირებდნენ.

თელ-ავივში, კაპლანის პროსპექტზე, რომელიც სიმბოლურ ადგილად იქცა ნეთანიაჰუს მთავრობის სასამართლო რეფორმების წინააღმდეგ გამართულ საპროტესტო აქციებზე და რომელიც პოლიციამ რკინის ბარიერებით გადაკეტა, შეკრებილმა ისრაელის მოქალაქეებმა ნეთანიაჰუს გადადგომა მოითხოვეს.

ისრაელის პრესაში თელ-ავივთან ერთად იერუსალიმსა და სხვა ქალაქებშიც მიტინგების ამსახველი ვიდეომასალა გავრცელდა.

ცნობილი იყო, რომ ნეთანიაჰუსა და გალანტს შორის დაძაბულობა არსებობდა. ისრაელის პრემიერ-მინისტრმა გალანტის თანამდებობიდან გათავისუფლება მანამდეც სცადა, თუმცა საპროტესტო აქციების გამო ამ გადაწყვეტილების მიღებისგან თავი შეიკავა.