რუსეთის საჰაერო იერიშს სირიაში მრავალი ადამიანის სიცოცხლე შეეწირა

რუსული სამხედრო თვითმფრინავების საჰაერო იერიშების შედეგად სირიის ჩრდილო-დასავლეთით მდებარე იდლიბის პროვინციაში ბოლო მონაცემებით, 10 ადამიანი დაიღუპა და 32 დაშავდა.

ოპოზიციის საავიაციო სადამკვირვებლო პუნქტის ინფორმაციით, გუშინ ადგილობრივი დროით დაახლოებით 17:00 საათზე, ლატაკიაში მდებარე ჰმეიმიმის საავიაციო ბაზიდან აფრენილმა 3-მა რუსულმა სამხედრო თვითმფრინავმა იდლიბზე 4 საჰაერო იერიში განახორციელა.

სირიის სამოქალაქო თავდაცვის (თეთრი ჩაფხუტების) ინფორმაციით, აინშიბის სოფელში სადურგლო სახელოსნოზე განხორციელებული საჰაერო თავდასხმების შედეგად გარდაცვლილთა რაოდენობა 10-მდე, ხოლო დაშავებულთა რაოდენობა 32-მდე გაიზარდა. დაშავებულები ახლომდებარე საავადმყოფოებში გადაიყვანეს.

ბოლო 4 დღის განმავლობაში რუსეთმა იდლიბში 27 წერტილზე განახორციელა საჰაერო იერიშები.

შეგახსენებთ, რომ 2017-2020 წლებში თავდასხმების გამო დაახლოებით 2 მილიონი მშვიდობიანი მოქალაქე იძულებული გახდა თურქეთის საზღვართან ახლოს მდებარე რეგიონებში გადასახლებულიყო.