ძლიერი მიწისძვრა სირიაში

სირიის ქალაქ ჰამაში 5,2 მაგნიტუდის სიმძლავრის მიწისძვრა მოხდა.

თურქეთის კატასტროფებისა და საგანგებო სიტუაციების სამმართველოს (AFAD) განცხადებაში ნათქვამია, რომ 5,2 მაგნიტუდის მიწისძვრა ადგილობრივი დროით 23:56 საათზე მოხდა, რომლის ეპიცენტრიც ქალაქი ჰამა გახლდათ.

მიწისძვრის შედეგად დაღუპულების და დაშავებულების შესახებ ამ დროისათვის არანაირი ინფორმაცია არ გავრცელებულა, ზოგიერთ რაიონში კი ელექტროენერგიის გათიშვა მოხდა.

სირიაში მომხდარი მიწისძვრა ასევე იგრძნობოდა თურქეთის ქალაქ ოსმანიეში, გაზიანთეფში, შანლიურფაში, ქილისში, ადიამანსა და ჰათაიში.