ისრაელი ირანის მხრიდან თავდასხმისთვის ემზადება

ისრაელი, ირანის მხრიდან იმაზე უფრო დიდი შეტევისთვის ემზადება, ვიდრე აპრილში მოხდა.

ისრაელი თითქმის ორი კვირაა ელოდება ირანის მხრიდან თავდასხმას თეირანში ჰამასის პოლიტიკური ბიუროს ხელმძღვანელის ისმაილ ჰანიეს მკვლელობის საპასუხოდ.

ისრაელის სახელმწიფო ტელევიზიის KAN-ის ინფორმაციაში, აპრილში ასობით უპილოტო საჰაერო აპარატითა და რაკეტებით განხორციელებულ თავდასხმაზე მინიშნებით აღნიშნულია: „ისრაელი, გასულ აპრილში უპილოტო საფრენი აპარატების ღამეზე უფრო ფართომასშტაბიანი ირანის თავდასხმისთვის ემზადება“.

ინფორმაციის მიხედვით, თავდაცვის მინისტრმა იოავ გალანტმა თქვა: "მტრები ირანი და ჰეზბოლა გვემუქრებიან, რომ ისეთი ფორმით დაგვაზარალებენ, რაც წარსულში არ გაუკეთებიათ. ჩვენ გვაქვს დიდი შესაძლებლობები. იმედი მაქვს, სხვა ფრონტებზე ომი არ იქნება“.

იმავდროულად, გავრცელდა ინფორმაცია, რომ ისრაელის საჰაერო ძალების პერსონალს აეკრძალა საზღვარგარეთ წასვლა ირანის შესაძლო შურისძიების გამო.

ჰამასის პოლიტიკური ბიუროს ხელმძღვანელი ისმაილ ჰანიე ირანის დედაქალაქ თეირანში 31 ივლისს მოკლეს.

ირანმა და ჰამასმა განაცხადეს, რომ თავდასხმის უკან ისრაელი დგას, ხოლო თეირანმა აღნიშნა, რომ პასუხს გასცემს თელ-ავივის ხელისუფლებას.