ბოლო ერთ კვირაში 67 ტერორისტი განეიტრალდა

გუშინ, თურქეთის ეროვნული თავდაცვის სამინისტროს ყოველკვირეული პრესსაინფორმაციო შეხვედრა გაიმართა.

შეხვედრაზე აღინიშნა, რომ ტერორისტული ორგანიზაციების წინააღმდეგ ანტიტერორისტული ოპერაციები, როგორც ქვეყნის შიგნით, ასევე საზღვრებს გარეთ მთელი სიმტკიცით და უწყვეტლივ გრძელდება.

პრესსაინფორმაციო შეხვედრაზე ასევე აღინიშნა, რომ ერაყისა და სირიის ჩრდილოეთით ბოლო ერთ კვირაში 67 ტერორისტი განეიტრალდა, ხოლო მიმდინარე წლის დასაწყისიდან დღემდე 1588 ტერორისტი იქნა ლიკვიდირებული.

ამავე ინფორმაციით, ბოლო ერთი კვირის განმავლობაში ასევე განადგურდა მრავალი სამიზნე, მათ შოროს ტერორისტების კუთვნილი თავშესაფრები, საწყობები და სხვა ობიექტები.

თავის მხრივ, სამინისტროს მიერ გავრცელებული ინფორმაციის თანახმად, PKK-ს კიდევ ერთი ტერორისტი, რომელიც ერაყის ჩრდილოეთით მდებარე თავშესაფრებიდან გაიქცა, თურქ სამართალდამცველებს ჰაბურის სასაზღვრო გამშვებ პუნქტზე ჩაბარდა.