ყარაბაღში ნაღმის აფეთქების შედეგად ორი ჯარისკაცი დაიღუპა
აზერბაიჯანის თავდაცვის სამინისტრომ განაცხადა, რომ ყარაბაღში არალეგალური სომხური ძალების მიერ დაგებული ნაღმის აფეთქების შედეგად ორი ჯარისკაცი დაიღუპა
2041885
აზერბაიჯანის თავდაცვის სამინისტრომ განაცხადა, რომ ყარაბაღში არალეგალური სომხური ძალების მიერ დაგებული ნაღმის აფეთქების შედეგად ორი ჯარისკაცი დაიღუპა, ერთი კი დაშავდა.
სამინისტროს განცხადებაში ნათქვამია, რომ ნაღმი გუშინ ადგილობრივი დროით 17:35 საათზე აზერბაიჯანის არმიის სატვირთო მანქანის გავლის დროს აფეთქდა.
იქვე აღნიშნულია, რომ აზერბაიჯანულ პოზიციებს შორის მდებარე გზაზე სომხური ძალების მიერ ტერორისტული მიზნებისთვის დაგებული ტანკსაწინააღმდეგო ნაღმის აფეთქების შედეგად მანქანაში მყოფი ორი ჯარისკაცი დაიღუპა, ერთი კი დაშავდა.
აღინიშნა, რომ დაშავებული ჯარისკაცის სიცოცხლეს საფრთხე არ ემუქრება.
