ხვალ, ჰულუსი აქარი-ჯუანშერ ბურჭულაძე და ზაქირ ჰასანოვი შეხვედრას გამართავენ

ხვალ, ქალაქ კაისერში, თურქეთის თავდაცვის მინისტრი ჰულუსი აქარი, საქართველოს თავდაცვის მინისტრი ჯუანშერ ბურჭულაძე და აზერბაიჯანის თავდაცვის მინისტრი ზაქირ ჰასანოვი მორიგ სამმხრივ შეხვედრას გამართავენ.

შეხვედრაზე,  რეგიონის მშვიდობის, სტაბილურობისა და მომავლის შესახებ გადასადგმელი ნაბიჯები იქნება განხილული, განსაკუთრებით საქართველოში, აზერბაიჯანსა და თურქეთში.

შეგახსენებთ, რომ სამი ქვეყნის ეროვნული თავდაცვის მინისტრების წინა შეხვედრა, გასული წლის ოქტომბრის თვეში, საქართველოში კერძოდ კი, თელავში გაიმართა.