ირანმა ახალი ბირთვული კვლევითი რეაქტორის მშენებლობა დაიწყო

ირანმა, ისპაჰანის პროვინციაში ახალი 10 მეგავატიანი ბირთვული კვლევითი რეაქტორის მშენებლობა დაიწყო.

ირანის ოფიციალური საინფორმაციო სააგენტო IRNA-ს ინფორმაციით, ისპაჰანში ბირთვული კვლევითი რეაქტორის მშენებლობა ცერემონიით დაიწყო, რომელსაც ირანის ატომური ენერგიის სააგენტოს თავმჯდომარე მუჰამედ ისლამიც ესწრებოდა.

ამავე ინფორმაციით, 10 მეგავატიანი აუზის ტიპის რეაქტორი, რომელიც იყენებს 20 პროცენტით გამდიდრებულ ბირთვულ საწვავს, გამოყენებული იქნება ბირთვული საწვავის ტესტირებისთვის, სამედიცინო და სამრეწველო რადიოიზოტოპების წარმოებისთვის და ნეიტრონული სხივების კვლევისა და გამოყენებისთვის.