საქართველოში ვერტმფრენი ჩამოვარდა, რომელიც პარაპლანისტების გადასარჩენად მიფრინავდა

საქართველოში ვერტმფრენი ჩამოვარდა, რომელიც პარაპლანისტების გადასარჩენად მიფრინავდა

საქართველოში, ყაზბეგის რაიონში ჩამოვარდნილი პარაპლანისტების გადასარჩენად მიმავალი ვერტმფრენი ჩამოვარდა. ვერტმფრენში სულ 8 ადამიანი დაიღუპა, მათ შორის ეკიპაჟის 4 წევრი, 2 მაშველი და გადაუდებელი დახმარების ცენტრის 2 მედიკოსი.

საქართველოს შინაგან საქმეთა სამინისტროს წერილობით განცხადებაში ნათქვამია, რომ სამაშველო სამუშაოების დროს შსს-ს სასაზღვრო პოლიციის კუთვნილი ვერტმფრენი ჩამოვარდა.

შემთხვევის ადგილზე შინაგან საქმეთა სამინისტროს შესაბამისი ბრიგადები იქნა მობილიზებული. მომხდართან დაკავშირებით გამოძიება დაიწყო.

საქართველოს პრემიერ-მინისტრმა ირაკლი ღარიბაშვილმა გუდაურში მომხდარი ავიაკატასტროფის გამო 30 ივლისი „გლოვის დღედ“ გამოაცხადა და სამძიმარი გამოუცხადა დაღუპულთა ოჯახებსა და ახლობლებს.