ქვიშის ქარიშხლი ერაყში

გუშინ საღამოდან ხელმეორედ გააქტიურებული ქვიშის ქარიშხლის გამო ერაყში დღევანდელი დღე, უქმად გამოცხადდა. ტრანსპორტის სამინისტროს წერილობით განცხადებაში ნათქვამია, რომ ქვიშის ქარიშხლის გამო, ხილვადობა 100 მეტრზე ქვემოთ დაეცა, რის გამოც ფრენები ყველა აეროპორტში შეჩერდება. სამინისტრომ თავის განცხადებაში განსაკუთრებით სასუნთქი სისტემის პრობლემის მქონე ადამიანები და პაციენტები გააფრთხილა, დარჩნენ სახლში და არ იმოგზაურონ, განსაკუთრებით მომდევნო 48 საათის განმავლობაში. ქვიშის ქარიშხალის გამო განათლების სამინისტრომაც განაცხადა, რომ სწავლა ერთი დღით შეჩერდა.