აზერბაიჯანში შესასვლელად PCR ტესტის წარდგენის ვალდებულება მოიხსნა

აზერბაიჯანის მინისტრთა კაბინეტმა მიიღო გადაწყვეტილება მოუხსნან მგზავრებს ქვეყანაში შესვლისას ახალი ტიპის კორონავირუსის (კოვიდ-19) PCR ტესტის წარდგენის ვალდებულება.

გადაწყვეტილების თანახმად, ხვალიდან აზერბაიჯანში შესულ მგზავრებს Covid-19-ის PCR ტესტი აღარ მოეთხოვებათ.

იმავე გადაწყვეტილების მიხედვით, PCR ტესტს აღარ მოსთხოვენ შიდა საჰაერო რეისის და ავტობუსის მგზავრებს, რომლებიც დედაქალაქ ბაქოდან ნახჭევანში ირანის გავლით მიემგზავრებიან.