პაკისტანი ისრაელში პრემიერის ყოფილი მრჩევლის ვიზიტს უარყოფს

პაკისტანის საგარეო საქმეთა სამინისტროს პრესსპიკერმა, ზაჰიდ ჰაფეზ ჩაუდრიმ უარყო მედიაში გავრცელებული ინფორმაცია იმის შესახებ, რომ პრემიერ-მინისტრის იმრან ხანის ყოფილი მრჩეველი, საიდ ზულფიკარ ბუჰარი ისრაელში იმყოფებოდა.

ჩაუდრიმ აღნიშნა, რომ ეს ინფორმაცია უსაფუძვლოა, შეცდომაში შეყავს მოსახლეობა და ისრაელში ასეთი ვიზიტი არ შემდგარა.

მისივე თქმით, ამ საკითხში პაკისტანის პრინციპული პოზიცია არ შეცვლილა და ისლამაბადი ყოველთვის ხაზს უსვამს პალესტინის სახელმწიფოს, რომლის დედაქალაქია იერუსალიმი 1967 წლამდე საზღვრებში და პრობლემის ორ სახელმწიფოიან გადაწყვეტას.