ზარიფმა მკაცრად დაგმო ისრაელისადმი სამხედრო დახმარება
“ისრაელი ამ იარაღით უფრო მეტ პალესტინელ ბავშვს მოკლავს“
1641334
ირანის საგარეო საქმეთა მინისტრმა ჯევად ზარიფმა მკაცრი რეაგირება მოახდინა აშშ-ს ადმინისტრაციაზე, რომელმაც ისრაელისთვის 735 მილიონი დოლარის ღირებულების, ზუსტი მართვადი საბრძოლო რაკეტების მიყიდვა დაამტკიცა. ”მიუხედავად იმისა, რომ ფაქტიურად ამერიკული წარმოების საბრძოლო მასალები წვიმს უდანაშაულო პალესტინელებზე, თითქოსდა ეს არ კმაროდეს, აშშ-ი ისრაელს კიდევ 735 მილიონი დოლარის ზუსტ რაკეტებს აძლევს, რათა მან უფრო მეტი სიზუსტით, უფრო მეტი პალესტინელი ბავშვი მოკლას,” ხაზგასმულია ზარიფის მხრიდან სოციალურ ქსელ ტვიტტერში გამოქვეყნებულ მესიჯში. მისივე თქმით, აშშ-მა გაეროს უშიშროების საბჭოს საგანგებო შეკრებაზე დაბლოკა ერთობლივი განცხადება, რომლითაც საბჭოს წევრები ისრაელისგან პალესტინელებზე თავდასხმების დაუყონებლივ შეჩერებას ითხოვდნენ.
