საბერძნეთი  მიტინგებმა მოიცვა

საბერძნეთის მრავალ ქალაქში გააპროტესტეს ის შეზღუდვები, რომელთა დაწესებაც სურს ქვეყნის მთავრობას. საბერძნეთის კომუნისტური პარტიის (KKE) მოწოდებით შეკრებილი დემონსტრანტები, დედაქალაქის ომონიას  მოედნიდან  სინტაგმას მოედნისკენ, ე.ი. პარლამენტის შენობისკენ გაემართნენ და მათი მთავარი სლოგანი იყო: "საბერძნეთი არ გადაიქცეს პოლიციურ სახელმწიფოდ". პარლამენტის წინ გამართულ მიტინგზე სიტყვით გამოსულებმა აღნიშნეს, რომ ისეთი კანონები, რომლებიც საბერძნეთში დემონსტრაციებს და გამოსვლებს ზღუდავდნენ, სულ ბოლოს სამხედრო ხუნტის პერიოდში მოქმედებდა. მსგავსი დემონსტრაციები ჩატარდა ასევე ქვეყნის სხვა ქალაქებშიც. 29 ივნისს პარლამენტში წარდგენილი კანონ-პროექტი, აკრძალულ დემონსტრაციებში მონაწილეებისათვის  ერთწლიან პატიმრობას, ხოლო ძალადობებში მონაწილე დემონსტრანტებისათვის კი 2 წლიან პატიმრობას ითვალისწინებს. ეს კანონპროექტი, სავარაუდოდ, 10 ივლისს მიიღება