კირკუკში მომხდარი ტერაქტის შედეგად 1 ადამიანი დაიღუპა

ერაყის ქალაქ კირკუკში ორ რეგიონში ერთდროულად მომხდარი ტერაქტის შედეგად 1 ადამიანი დაიღუპა, 10 კი დაშავდა.

ერაყის თავდაცვის სამინისტროს მედიის უსაფრთხოების ქსელის მიერ გავრცელებული წერილობითი განცხადების მიხედვით, კირკუკის ცენტრში მდებარე ჰაზრასა და რას ალ-ჯისრის უბნებში გზებზე დამონტაჟებული ბომბები სამგზავრო ავტობუსების გავლის დროს აფეთქდა.

გავრცელებული ინფორმაციის თანახმად, მომხდარი ტერაქტების დროს 1 მშვიდობიანი მოქალაქე დაიღუპა, 10 კი დაშავდა.

ერაყის ქალაქ კირკუკის სხვადასხვა წერტილებში მაისში ზედიზედ 6 ტერაქტი მოხდა. ტერაქტების შედეგად, რომელზეც პასუხისმგებლობა დაეშ-მა აიღო, 4 ადამიანი დაიღუპა, 15 კი დაიჭრა.