ისრაელის სამხედროებმა „დიდი დაბრუნების მარში“-ს აქციის დროს კიდევ 21 პალესტინელი დაჭრეს

პალესტინელების მიერ ღაზის საზღვართან გუშინ გამართული „დიდი დაბრუნების მარში“-ს აქციის დროს, ისრაელის სამხედოების მიე გახსნილი ცეცხლის შედეგად წინასწარი მონაცემებით 21 პალესტინელი დაშავდა. ღაზაში, პალესტინის ჯანდაცვის სამინისტროს განცხადებით, ისრაელის სამხედროებმა ღაზის საზღვარზე აქციის მონაწილეების დასაშლელად ნამდვილი ტყვიები და ცრემლსადენი გაზი გამოიყენეს, რის შედეგადაც 21 პალესტინელი დაშავდა.  პალესტინელები 2018  წლის 30 მარტიდან მოყოლებული ოკუპირებულ ღაზის საზღვართან „დიდი დაბრუნების მარში“-ს სახელწოდების აქციებს მართავენ. ისრაელის სამხედროები კი უდანაშაულო ხალხის  მიმართ ხშირად იყენებენ ნამდვილ ტყვიებს და პალესტინელებს კლავენ. 2018 წლის 30 მატრიდან დღემდე აღნიშნულ რეგიონში ისრაელის ჯარისკაცების მიერ გახსნილი ცეცხლის შედეგად 230-ზე მეტი პალესტინელი დაიღუპა.