ქოჩარიანის დაკავების სანქცია გაიცა

ერევნის  საერთო იურისდიქციის სასამართლომ, ექსპრეზიდენტ რობერტ ქოჩარიანის დაპატიმრების დადგენილება გამოიტანა.

ადგილობრივი პრესის ცნობით, სასამართლომ მას ბრალი წაუყენა 2008 წელს საპროტესტო აქციების დროს, კონსტიტუციური წყობის დამხობაში და ორ თვიანი წინასწარი პატიმრობის განაჩენი გამოუტანა.

ქოჩარიანის ადვოკატმა რუბენ სააკიანმა განაცხადა, რომ ისინი სასამართლოს გადაწყვეტილებას გაასაჩივრებენ.

ექსპრეზიდენტმა, 2008 წლის მოვლენებთან დაკავშირებით ამ დღეებში ჩვენება მისცა პოლიციას და ყველა ბრალდება უარყო რა, აღნიშნა, რომ მასზე პოლიტიკურ ზეწოლას ახორციელებენ.

სომხეთში, 2008 წლის საპრეზიდენტო არჩევნების პროტესტის ნიშნად მასობრივი აქციები დაიწყო და 1 მარტის მოვლენებს 10 კაცი ემსხვერპლა, მათ შორის 2 პოლიციელი.