გეოგრაფიული აღნიშვნის მქონე თურქული პროდუქციები 48
ისპარტის სენირკენტის პატარძლის ფესი
გეოგრაფიული აღნიშვნის მქონე თურქული პროდუქციები 48
ილქერ თაშქინი
ისპარტის სენირკენტის პატარძლის ფესი
რეგისტრაციის თარიღი: 24.08.2021
თურქეთის ხმელთაშუა ზღვის რეგიონში, შთამბეჭდავი ტოროსის მთების ძირში მდებარე ქალაქ ისპარტას სენირკენტის რაიონმა სახელი მისცა საქორწილო თავსაბურავს, რომლის საუკუნეებს ითვლის. „სენირკენტის პატარძლის ფესი“ რაიონის მუნიციპალიტეტის განაცხადის საფუძველზე 2021 წელს შეტანილ იქნა გეოგრაფიული აღნიშვნის მქონე თურქული პროდუქციების სიაში.
სენირკენტის პატარძლის ფესი არის თავსაბურავი, რომლის დამზადებულია გახამებული და გამყარებული ქეჩისგან და მორთულია რეგიონისთვის დამახასიათებელი სტილით. ხელნაკეთი სენირკენტის პატარძლის ფესის ისტორია ეფუძნება საუკუნეების წინანდელ თურქულ ტრადიციებს. თავსაბურავს ამზადებს სიძის ოჯახი და გადასცემს საჩუქრად პატარძალს ქორწილამდე.
ვინაიდან სენირკენტის პატარძლის ფესი იქმნება ინდივიდუალურად, პირველ რიგში იღებენ პატარძლის თავის ზომას. შემდეგ ამზადებენ გახამებულ და გამყარებულ ქეჩას და იწყებენ წარმოებას. თავსაბურავის წინა ნაწილში არის სექცია, რომელსაც „ალინლიქი“ (შუბლის ნაწილი) ეწოდება და შედგება 20 გრამი ოქროსგან ან ოქროსფერი სამკაულებისგან. ალინლიქის ზედა რიგში განლაგებულია 80 გრამი ოქრო, ხოლო მარჯვენა და მარცხენა მხარეს მიკერებულია თითო რესპუბლიკური ოქროს მონეტა.
ფესის ზედა ნაწილში მოთავსებულია მცენარეული გვირგვინი. ამ ნაწილში წარმოდგენილია 16 ყაყაჩოს მცენარისთვის დამახასიათებელი ფერადი კოკრის მოტივი სხვადასხვა ზომით. კოკრების განთავსების შემდეგ პატარძლის ფესი იმკობა ძვირფასი ქვებით, ქარვით და საკინძებით, და სენირკენტის პატარძლის ფესი მზად არის ქორწილისთვის გამოსაყენებლად.
