ენერგეტიკული დღის წესრიგი 48-2024
თურქეთის ენერგეტიკის საგზაო რუკა მზად არის
ენერგეტიკული დღის წესრიგი 48-2024
თურქეთის ენერგეტიკის საგზაო რუკა მზად არის
თურქეთმა განსაზღვრა ენერგეტიკის მოკლევადიანი სამოქმედო გეგმა. დაზუსტდა ენერგეტიკისა და ბუნებრივი რესურსების სამინისტროს 2024-2028 წლების სტრატეგიული გეგმის დეტალები. მიზანია, მსოფლიოში მიმდინარე ენერგეტიკული განვითარების გათვალისწინებით, გადაიდგას ნაბიჯები თურქეთის რესურსების გამოყენებისა და საკუთარი საჭიროებების დასაკმაყოფილებლად.
სააგენტოს „ანადოლუს“ (AA) მიერ გავრცელებული ინფორმაციის თანახმად, სტრატეგიული გეგმით გათვალისწინებულია ადგილობრივი წყაროებიდან წარმოებული ელექტროენერგიის გაზრდა 2028 წლისთვის წლიურ 270 მილიარდ კილოვატ-საათამდე, ელექტროენერგიის წარმოებაში ადგილობრივი წყაროების წილის 63%-მდე გაზრდა, მზის ელექტროსადგურების სიმძლავრის 33,100 მეგავატამდე, ქარის ელექტროსადგურების 19,300 მეგავატამდე გაზრდა და 4,800 მეგავატი ბირთვული ენერგიის სიმძლავრის ექსპლუატაციაში შეყვანა.
ამის ფარგლებში, მიზნად არის დასახული ყოველდღიური წარმოების გაზრდა ადგილობრივ ნავთობში 210,000 ბარელამდე, ბუნებრივ გაზში 42,5 მილიონ კუბურ მეტრამდე, ბუნებრივი გაზის შენახვის მოცულობის 12 მილიარდ კუბურ მეტრამდე და წლიური სამთო ექსპორტის ღირებულების 10 მილიარდ დოლარამდე გაზრდა.
გეგმაში შედის 7 მიზანი და სხვადასხვა ამოცანები.
შესაბამისად, განისაზღვრა 7 მიზანი და მათთან დაკავშირებული 30 ამოცანა, მათ შორის: მდგრადი ენერგომომარაგების უსაფრთხოების უზრუნველყოფა, საგარეო დამოკიდებულების შემცირება, ნულოვანი ნახშირბადის ემისიაზე ორიენტირებული ენერგეტიკული ტრანსფორმაცია, უსაფრთხო, მდგრადი და დამატებითი ღირებულების მქონე სამთო მრეწველობა, ენერგეტიკული და სამთო ბაზრების ეროვნული და საერთაშორისო ეფექტურობის გაზრდა, ადგილობრივი ტექნოლოგიების მხარდაჭერა ენერგეტიკისა და ბუნებრივი რესურსების სფეროში, ინსტიტუციური შესაძლებლობების გაძლიერება.
გეგმაში აღნიშნულია, რომ მდგრადი ენერგომომარაგების უსაფრთხოების უზრუნველსაყოფად გაიზრდება ელექტროენერგიის დადგმული სიმძლავრე, გაძლიერდება ელექტროენერგიის მოხმარებისა და განაწილების ქსელი, უზრუნველყოფილი იქნება ქსელის მოქნილობა განახლებადი ენერგიის სიმძლავრის გასაზრდელად, გაძლიერდება ნავთობისა და გაზის ინფრასტრუქტურა, გაიზრდება საერთაშორისო თანამშრომლობა ენერგეტიკულ ინვესტიციებში.
გეგმის მნიშვნელოვანი ნაწილია თურქეთის მწვანე ენერგიის მიზნები...
ნულოვანი ნახშირბადის ემისიაზე ორიენტირებული ტრანსფორმაციის ფარგლებში გაიზრდება სუფთა ენერგიის წყაროების წილი ელექტროენერგიის წარმოებაში და ენერგოეფექტურობის ღონისძიებები, შემცირდება ენერგიის ნახშირბადის ინტენსივობა, შეიქმნება ძლიერი ინფრასტრუქტურა ელექტრომობილების ტრანსფორმაციის მხარდასაჭერად, განვითარდება მწვანე წყალბადისა და განახლებადი გაზის ღირებულების ჯაჭვი.
უსაფრთხო, მდგრადი და დამატებითი ღირებულების მქონე სამთო მრეწველობის მიზნის შესაბამისად, უზრუნველყოფილი იქნება თურქეთის სამთო პოტენციალის გამოვლენა და ეკონომიკაში ინტეგრირება, პრიორიტეტით კრიტიკულ და სტრატეგიულ მინერალებზე.
სასარგებლო წიაღისეულის გადამუშავება მოხდება ქვეყნის შიგნით დამატებითი ღირებულების გასაზრდელად. უზრუნველყოფილი იქნება სამთო მრეწველობის წარმართვა საერთაშორისო სტანდარტების შესაბამისად, უსაფრთხოდ და გარემოსდაცვითი პასუხისმგებლობით. გავრცელდება შრომის უსაფრთხოებისა და ჯანმრთელობის დაცვის კულტურა. სექტორთან დაკავშირებულ ინსტიტუტებსა და ორგანიზაციებში განხორციელდება გადასვლა უფრო ეფექტურ, გამჭვირვალე და მენეჯმენტზე ორიენტირებულ საჯარო სამსახურის სტრუქტურაზე.
ენერგეტიკული და სამთო ბაზრების საერთაშორისო ბაზრებთან ინტეგრაციით გაიზრდება სავაჭრო მოცულობა და გაუმჯობესდება საინვესტიციო გარემო ამ ორ სექტორში.
გარდა ამისა, განხორციელდება ტექნოლოგიების განვითარება და კვლევა-განვითარების სამუშაოები ენერგეტიკისა და ბუნებრივი რესურსების სფეროებში, ტექნოლოგიები და აღჭურვილობა წარმოებული იქნება ეროვნული საშუალებებით.
ასევე, გაძლიერდება სამინისტროს ინსტიტუციური ინფრასტრუქტურა, განვითარდება დაქვემდებარებული და შესაბამისი ინსტიტუტების კორპორატიული მართვის შესაძლებლობები, გაძლიერდება ციფრული ტრანსფორმაციისა და კიბერუსაფრთხოების ინფრასტრუქტურა, გაძლიერდება კატასტროფებსა და საგანგებო სიტუაციებზე რეაგირების შესაძლებლობები.
მაჰმუთ გიურერი / TRT Haber-ის რედაქტორი
