გეოგრაფიული აღნიშვნის მქონე თურქული პროდუქციები 11-2022

გეოგრაფიული აღნიშვნის მქონე თურქული პროდუქციები 11-2022         

ილქერ თაშქინ

ისპარტის ვარდის ზეთი

ვარდის მცენარე თურქეთის ხმელთაშუა ზღვის რეგიონში მდებარე ქალაქ ისპარტას სიმბოლოა. ვარდის ზეთის ნედლეულს წარმოადგენს ასევე ვარდი, რომელიც ისტორიულად ბევრ სფეროში იყო გამოყენებული. მიუხედავად იმისა, რომ თურქეთში ვარდის 25 სახეობაა, ისპარტას ვარდი ყველაზე პროდუქტიული სახეობაა ინდუსტრიულ სფეროში. ისპარტის ვარდის ზეთი 2019 წელს, ქალაქის სავაჭრო ბირჟის განაცხადის საფუძველზე, გეოგრაფიული აღნიშვნის მქონე თურქული პროდუქციების სიაში იქნა შეტანილი.

ვარდის მცენარეს უყვარს ზომიერი კლიმატის მქონე, ჰაეროვანი და ნათელი ადგილები. ივლისში, როდესაც აყვავების პერიოდი სრულდება, ვარდის ყვავილებს სათითაოდ ხელით კრეფენ, ადუღებენ წყლის დამატებით გამოსახდელ ქვაბებში, რომელსაც „რეტორტს“ უწოდებენ. ამ მეთოდით 15 კილოგრამ ახალ ვარდის ყვავილს ათავსებენ საშუალოდ 45 ლიტრ წყლიან რეტორაში და ადუღებენ ორი საათის განმავლობაში. პროცესის 3-ჯერ გამეორების შემდეგ ნარევს ბოლოჯერ ახშობენ წყლისა და ზეთის გამოსაყოფად და მიიღება დაახლოებით 15 ლიტრი ვარდის ზეთი. ისპარტას ვარდის ზეთი გამოიყენება კოსმეტიკურ ინდუსტრიაში და დესერტებში.