რუმინეთის არჩევნებში მმართველი სოციალ-დემოკრატიული პარტია იმარჯვებს

გუშინ, რუმინეთში საპარლამენტო არჩევნები გაიმართა. 18 მილიონზე მეტმა ამომრჩეველმა 10 ათასზე მეტი კანდიდატიდან 136 სენატორი და 329 დეპუტატი აირჩია.

ხმების 90 პროცენტის დათვლის შემდეგ შედეგები ასე ნაწილდება: „სოციალ-დემოკრატიული პარტია“ (PSD) – 22%, „გაერთიანებული რუმინეთის ალიანსი“ (AUR) – 17%, „ეროვნულ-ლიბერალური პარტია“ (PNL)  – 13 პროცენტი.

ადგილობრივმა მედიამ განაცხადა, რომ PSD-მ რუმინეთის პარლამენტში უმრავლესობა მოიპოვა, მაგრამ ოპოზიცია მიღებული ხმების წილით „აღორძინდა“.

მაშინ, როცა რუმინეთის ცენტრალურმა საარჩევნო ოფისმა გამოაცხადა, რომ არჩევნებში აქტივობა 52 პროცენტს შეადგენდა, ეს მაჩვენებელი დაფიქსირდა, როგორც ყველაზე მაღალი ბოლო 20 წლის განმავლობაში.

საბოლოო შედეგები უცხოეთში მიცემული ხმების დათვლის შემდეგ გახდება ცნობილი.

შეგახსენებთ, რომ რუმინეთში 24 ნოემბრის საპრეზიდენტო არჩევნების პირველ ტურში ნატოსა და დასავლეთის საწინააღმდეგო დამოუკიდებელი კანდიდატი კალინ გეორგესკუ და ცენტრალური მარჯვენა პარტიის „გადაარჩინეთ რუმინეთის კავშირის“ კანდიდატი ელენა ლასკონი მეორე ტურში გადავიდნენ.

საპრეზიდენტო არჩევნების მეორე ტურის თარიღი 8 დეკემბერი გამოცხადდა.