პაკისტანში ტომთაშორის დაპირისპირების შედეგად დაღუპულთა რაოდენობა გაიზარდა

პაკისტანში ერთი კვირის განმავლობაში გაგრძელებულ ტომთაშორის დაპირისპირების შედეგად დაღუპულთა რაოდენობა 102-მდე გაიზარდა.

ქვეყნის ჰაიბერ პახტუნხვის შტატის დედაქალაქ პეშაუერიდან 218 კილომეტრის დაშორებით მდებარე ქურამის რეგიონში დროდადრო ხდება შიიტურ და სუნიტურ ტომებს შორის სისხლიანი დაპირისპირებები, რომლებსაც მრავალი ადამიანის სიცოცხლე ეწირება.

Geo News-ის ცნობით, ავღანეთის საზღვართან მდებარე რეგიონში ერთი კვირის განმავლობაში მიმდინარე ტომთაშორის შერკინებებში დაღუპულთა რაოდენობა 102-მდე, ხოლო დაჭრილთა რაოდენობა 138-მდე გაიზარდა.

რეგიონში ბოლო 7 დღის განმავლობაში საგანმანათლებლო დაწესებულებები და მაღაზიები დახურულია, ხოლო ტომთა რაიონებს შორის საგზაო მოძრაობები დაკეტილია.

240 მილიონიანი პოპულაციის მქონე პაკისტანში შიიტები ქვეყნის დაახლოებით 15%-ს შეადგენენ.