ისრაელი აგრძელებს ლიბანის დაბომბვას

ისრაელის არმია ლიბანის დედაქალაქ ბეირუთის სამხრეთი ნაწილის დაბომბვებს აგრძელებს.

შუფის რაიონში საჰაერო დარტყმების შედეგად დაღუპულთა რიცხვი 25-მდე გაიზარდა.

მეორეს მხრივ, ისრაელმა ასევე 9 საჰაერო დარტყმა განახორციელა დაჰიეზე, ბეირუთის სამხრეთით.

ლიბანის ჯანდაცვის სამინისტრომ განაცხადა, რომ 2023 წლის 8 ოქტომბრიდან ლიბანზე ისრაელის თავდასხმების შედეგად დაღუპულთა რიცხვმა 3365-ს მიაღწია.

თავის მხრივ, ჰეზბოლა  ისრაელის თავდასხმებს შესაბამისად პასუხობს.

ჰეზბოლამ თელ-ავივში მდებარე კირიას სამხედრო ბაზა, სადაც ისრაელის თავდაცვის სამინისტროს შტაბია განთავსებული, უპილოტო საფრენი აპარატებით დაუმიზნა.

ისრაელის არმიამ განაცხადა, რომ მათი 6 ჯარისკაცი დაიღუპა ჰეზბოლასთან კონფლიქტის დროს სამხრეთ ლიბანის ერთ-ერთ სოფელში.

ასევე უნდა აღინიშნოს, რომ ამ ყველაფრის გამო ლიბანელები იძულებულნი არიან ემიგრაციაში წავიდნენ ისრაელის თავდასხმების გამო.

გაერომ გამოაცხადა, რომ ლიბანში 1 მილიონზე მეტი ადამიანი იძულებით წავიდა მიგრაციაში სხვადასხვა მიმართულებით.

თავდასხმების გამო ბეირუთში ყველაზე დიდი სპორტული დაწესებულება დევნილთა თავშესაფრის ცენტრად გადაიქცევა.