რიადში გამართული სამიტის შემდეგ ერთობლივი დეკლარაცია გამოქვეყნდა

ისლამური თანამშრომლობის ორგანიზაციისა (OIC) და არაბული ქვეყნების ლიგის საგანგებო გაერთიანებული სამიტის დასკვნით დეკლარაციაში, გაეროს უშიშროების საბჭოს მოუწოდეს მიიღოს სავალდებულო გადაწყვეტილება ღაზას სექტორში ცეცხლის შეწყვეტის შესახებ.

საუდის არაბეთის დედაქალაქ რიადში გამართული, ისლამური თანამშრომლობის ორგანიზაციისა (OIC) და არაბული ქვეყნების ლიგის საგანგებო გაერთიანებული სამიტის შემდეგ ერთობლივი დეკლარაცია გამოქვეყნდა.

დეკლარაციაში აღინიშნა ისრაელის მიერ საერთაშორისო სამართლის დარღვევები, გაეროს მიერ მკაფიო ზომების მიუღებლობა და საერთაშორისო საზოგადოების წარუმატებლობა.

დეკლარაციაში, რომელშიც უშიშროების საბჭოს მოუწოდეს „მიიღოს სავალდებულო გადაწყვეტილება ღაზაში ცეცხლის შეწყვეტისა და ჰუმანიტარული დახმარების მიწოდების შესახებ“, ასევე აღინიშნა, რომ დაიწყება მუშაობა საერთაშორისო მხარდაჭერის მოსაპოვებლად ისრაელის გაეროს გენერალურ ასამბლეაში მონაწილეობის შეჩერების მიზნით და ამ კონტექსტში გენერალურ ასამბლეას წარედგინება რეზოლუციის პროექტი.

ერთობლივ დეკლარაციაში მოთხოვნილი იქნა დამოუკიდებელი საერთაშორისო გამოძიება ისრაელის მიერ ჩადენილი დანაშაულების შესახებ.

განცხადებაში, რომელშიც ყველა ქვეყანას მოუწოდეს „აკრძალონ ისრაელისთვის იარაღისა და საბრძოლო მასალების ექსპორტი ან გაგზავნა“, ასევე მოითხოვეს საერთაშორისო სანქციების დაწესება ისრაელის შესაკავებლად ჩადენილი დანაშაულების გამო.

დეკლარაციაში ასევე გახსენებული იქნა მართლმსაჯულების საერთაშორისო სასამართლოს გადაწყვეტილებები და მოთხოვნილი იქნა მათი დაუყოვნებლივი განხორციელება.