ავტომობილი ხალხში შევარდა, დაიღუპა ათეულობით ადამიანი

ჩინეთში ავტომობილი ხალხში შევარდა, დაიღუპა 35 და დაშავდა 43 ადამიანი.

ჩინეთის ქალაქ ჟუჰაიში ავტომობილი სტადიონთან სავარჯიშოდ შეკრებილ მშვიდობიან მოქალაქეებს შეეჯახა.

შემთხვევა, SUV მოდელის ავტომობილით განხორციელდა.

ვრცელდება ინფორმაცია, 68 წლის მამაკაცი მძღოლის დაკავების შესახებ, რომლის სახელიც Fan Mou-დ არის მითითებული. ეჭვმიტანილმა პირველადი ჩვენებისას განაცხადა, რომ დაქორწინებული იყო, მაგრამ განქორწინდა და თავის უკმაყოფილებას გამოხატავდა განქორწინების პირობებითა და ქონების გაყოფით.

დაზარალებულები გადაყვანილი არიან ადგილობრივ საავადმყოფოებში მკურნალობის მიზნით. მომხდართან დაკავშირებით გამოძიება დაიწყო.