მარკ რუტემ პირველი პრესკონფერენცია გამართა

ნატოს ახალმა გენერალურმა მდივანმა მარკ რუტემ განაცხადა, რომ ტერორიზმთან ბრძოლა ნატოს კონტექსტში უნდა განიხილებოდეს და ამ საკითხზე პრეზიდენტ რეჯეფ თაიფ ერდოღანთან მუშაობას გააგრძელებს.

მარკ რუტემ მოვალეობის გადაბარების შემდეგ პირველი პრესკონფერენცია გამართა ნატოს შტაბ-ბინაში ბელგიის დედაქალაქ ბრიუსელში.

"გავაძლიერებთ ჩვენს კონტაქტებს პარტნიორებთან ახლო აღმოსავლეთში, ჩრდილოეთ აფრიკასა და საჰელის რეგიონებში, რათა ხელი შევუწყოთ სტაბილურობას ჩვენს სამხრეთ აქტიურ ზონაში. მეტი უნდა გავაკეთოთ იმისათვის, რომ ვებრძოლოთ ჩვენი ქვეყნებისა და ხალხის წინააღმდეგ მიმართულ ტერორისტულ საფრთხეს". - თქვა რუტემ.

ტერორიზმის წინააღმდეგ ბრძოლასთან და მოკავშირეებს შორის ემბარგოს მოხსნასთან დაკავშირებით თურქეთის მოლოდინების შესახებ შეკითხვაზე პასუხად რუტემ თქვა, რომ ის ჰოლანდიის პრემიერ-მინისტრობის დროს პრეზიდენტ ერდოღანთან ერთად მუშაობდა და დაამატა: "შემიძლია ვთქვა, რომ ჩვენ ახლო მეგობრები ვართ და ერთნაირი მოსაზრება გვაქვს ტერორიზმთან ბრძოლის საკითხზე. ნათელია, რომ ტერორიზმთან ბრძოლა არის საკითხი, რომელსაც ასევე უნდა მივუდგეთ ნატოს კონტექსტში“.

რუტემ თქვა, რომ „ღიაა“ პრეზიდენტ ერდოღანთან ტერორიზმთან ბრძოლაში მუშაობისთვის და დასძინა: „ამ საკითხზე ერთად უნდა ვიმუშაოთ. ჩვენ ამას გავაკეთებთ“.

რუტემ ასევე ხაზგასმით აღნიშნა, რომ მნიშვნელოვანია არ იყოს შეზღუდვები მოკავშირეებს შორის იარაღის შესყიდვაზე.