იაპონიას ახალი პრემიერი ჰყავს
იშიბა შიგერუ ქვეყნის ახალი პრემიერ-მინისტრი გახდა
იაპონიის მმართველი ლიბერალ-დემოკრატიული პარტიის თავმჯდომარედ არჩეული ყოფილი მინისტრი და გენერალური მდივანი იშიბა შიგერუ, ქვეყნის ახალი პრემიერ-მინისტრი გახდა.
დედაქალაქ ტოკიოში მმართველი პარტიის საარჩევნო კონგრესში მონაწილე 9 კანდიდატიდან, რომელთაგან ორი ქალი იყო, პირველ ტურში უმრავლესობა ვერც ერთმა ვერ მოიპოვა.
ლიბერალ-დემოკრატიული პარტიის ახალი ლიდერი იშიბა გახდა, რომელმაც მეორე ტურის ბოლოს 215 ხმა მიიღო.
იშიბა იაპონიის ახალ პრემიერ მინისტრად მომავალ კვირას, წარმომადგენელთა პალატის (შუგიინის) სესიაზე გამოცხადდება, სადაც ლიბერალ-დემოკრატიული პარტია და მისი კოალიციური პარტნიორი კომეიტო დომინირებს.
ლიბერალ-დემოკრატიული პარტიის ლიდერმა და პრემიერ მინისტრმა კიშიდა ფუმიომ აგვისტოში განაცხადა, რომ შიდაპარტიული პოლიტიკური დაფინანსების სკანდალის შედეგად პოლიტიკის მიმართ საზოგადოების ნდობის შერყევის გამო ის თანამდებობას დატოვებს.
