ენტონი ბლინკენის ჯეიჰუნ ბაირამოვის და არარატ მირზოიანის შეხვედრა ნიუ-იორკში

ამერიკის შეერთებული შტატების სახელმწიფო მდივანი ენტონი ბლინკენი, აზერბაიჯანის საგარეო საქმეთა მინისტრი ჯეიჰუნ ბაირამოვი და სომხეთის საგარეო საქმეთა მინისტრი არარატ მირზოიანი ნიუ-იორკში შეხვდნენ ერთმანეთს.

აზერბაიჯანის საგარეო საქმეთა სამინისტროს განცხადების თანახმად, ბლინკენმა, ბაირამოვმა და მირზოიანმა სამმხრივი შეხვედრა გამართეს ნიუ-იორკში გაეროს 79-ე გენერალური ასამბლეის ფარგლებში.

განცხადებაში აღნიშნულია, რომ მხარეები შეთანხმდნენ დამატებითი ძალისხმევის გაწევაზე, რათა რაც შეიძლება მოკლე ვადაში დასრულდეს შეთანხმება აზერბაიჯანსა და სომხეთს შორის მშვიდობისა და სახელმწიფოთაშორისი ურთიერთობების დამყარების შესახებ.