ლოიდ ოსტინის 22 სექტემბერს ისრაელში დაგეგმილი ვიზიტი გადაიდო

ამერიკის შეერთებული შტატების თავდაცვის მდივნის ლოიდ ოსტინის 22 სექტემბერს დაგეგმილი ვიზიტი ისრაელში გადაიდო ჰეზბოლასთან დაძაბულობის გამო.

ისრაელის პრესაში გამოქვეყნებულ ინფორმაციაში ნათქვამია, რომ ლოიდ ოსტინის ვიზიტის თარიღი უცნობია.

ინფორმაციის მიხედვით, ისრაელის ოფიციალურმა პირმა, რომლის ვინაობაც არ სახელდება, განაცხადა, რომ ოსტინის ვიზიტი გადაიდო ისრაელსა და ჰეზბოლას შორის სამშაბათს და ოთხშაბათს ლიბანში პეიჯერებისა და რაციების აფეთქებით გამოწვეული მზარდი დაძაბულობის გამო.

ამ თავდასხმების შედეგად 37 ადამიანი დაიღუპა და ათასობით დაშავდა.