ტერაქტი შიიტური ჰაზარების წინააღმდეგ

ავღანეთში, შიიტური ჰაზარების (ცენტრალურ ავღანეთში მცხოვრები შიიტური უმცირესობა) წინააღმდეგ შეიარაღებული თავდასხმის შედეგად ბოლო მონაცემებით, 14 ადამიანი დაიღუპა.

TOLO News-ის ცნობით, უცნობი შეიარაღებული პირები თავს დაესხნენ შიიტ ჰაზარებს, კარიუდალის რეგიონში, რომელიც მდებარეობს დეიკუნდისა და გორის პროვინციების საზღვარზე.

თავდასხმის შედეგად 14 ადამიანი დაიღუპა და 4 დაშავდა.

გავრცელდა ინფორმაცია, რომ თავდასხმები იყვნენ დეიკუნდის პროვინციის სენგი ტაჰტის რაიონის მაცხოვრებლები.

თავდასხმაზე პასუხისმგებლობა ტერორისტულმა ორგანიზაცია დაეშ-მა აიღო.

ფაქტთან დაკავშირებით, ავღანეთის ადმინისტრაციისგან ჯერ განცხადება არ გაკეთებულა.

ავღანეთში, სხვადასხვა შეიარაღებული ჯგუფები, განსაკუთრებით ტერორისტული ორგანიზაცია დაეში, ხშირად ესხმის თავს ავღანელ შიიტებს.