უკრაინამ რუსეთზე დრონებით ფართომასშტაბიანი იერიში მიიტანა

უკრაინის შეიარაღებულმა ძალებმა, რუსეთზე დრონებით ფართომასშტაბიანი იერიში მიიტანეს.

რუსეთის თავდაცვის სამინისტროს განცხადებაში ნათქვამია, რომ უკრაინა უპილოტო საფრენი აპარატებით რუსეთის ტერიტორიაზე, 9 რეგიონზე თავდასხმას ცდილობდა.

განცხადებაში ნათქვამია, რომ 144 დრონი ჩამოაგდეს მათმა საჰაერო თავდაცვის სისტემებმა, მათგან 20 ჩამოაგდეს მოსკოვის რაიონში, ხოლო 1 ადამიანი დაიღუპა შენობაში, სადაც ჩამოგდებული უპილოტო საფრენი აპარატის შემდეგ ხანძარი გაჩნდა.

რუსეთის ფედერალური საავიაციო სააგენტოს განცხადებაში ნათქვამია, რომ მოსკოვის აეროპორტებში სამოქალაქო თვითმფრინავების უსაფრთხოების გამო ფრენები დროებით შეიზღუდა.

თავის მხრივ, უკრაინის საჰაერო ძალებმა განაცხადეს, რომ მათ ჩამოაგდეს 38 დრონი, რომელიც რუსეთიდან მათი მიმართულებით იყო დამიზნებული.