ბანგლადეშში წყალდიდობის შედეგად დაღუპულთა რიცხვი იზრდება

ბანგლადეშში ძლიერი წვიმით მდინარეების ადიდების გამო მომხდარი წყალდიდობის შედეგად დაღუპულთა რიცხვი 67-მდე გაიზარდა.

გაზეთ Dhaka Tribune-ის ცნობით, წყალდიდობის შესახებ განცხადება გაკეთდა ბანგლადეშის კატასტროფების მართვისა და დახმარების სამინისტროს მიერ.

მასში ნათქვამია, რომ ქვეყნის 11 რეგიონში მომხდარი წყალდიდობის შედეგად დაღუპულთა რიცხვი 67-მდე გაიზარდა.

იქვე ნათქვამია, რომ წყალდიდობის გამო 11 რეგიონში 5 მილიონზე მეტი ადამიანი დაზარალდა.

სამინისტროს ცნობით, 29 აგვისტოს წყალდიდობის შედეგად დაზარალებულ რაიონებში 600-მდე სამედიცინო ჯგუფი მუშაობს და სტიქიის გამო რეგიონში 3403 დროებით თავშესაფარში 500 ათასზე მეტი ადამიანია მოთავსებული.