ძლიერი ხანძარი საბერძნეთში

საბერძნეთში, დედაქალაქ ათენთან ახლოს ტყის ხანძარი მძვინვარებს, რის გამოც ხელისუფლებამ რამდენიმე სოფლისა და ქალაქის ათასობით მცხოვრების ევაკუაციის ბრძანება გასცა.

დილის საათებში ტყიან ტერიტორიაზე გაჩენილი ხანძარი ქარის გავლენით პენტელის ბავშვთა საავადმყოფოსა და 414-ე სამხედრო ჰოსპიტალს მოუახლოვდა.

ხელისუფლებამ, რეგიონის საავადმყოფოების ევაკუაცია გადაწყვიტა, ბავშვთა საავადმყოფოს ინტერიერი კვამლით გაივსო.

საბერძნეთის სახანძრო ბრიგადის სპიკერმა ვასილიოს ვატრაკოიანისმა განაცხადა, რომ ხანძრის სალიკვიდაციო სამუშაოების დროს ერთი მეხანძრე დაშავდა და სხეულის სხვადასხვა ნაწილში მეორე ხარისხის დამწვრობის გამო საავადმყოფოში გადაიყვანეს.

ხანძრის შედეგად, მრავალი სახლი დაზიანდა, პოლიციამ 200-ზე მეტი ადამიანის ევაკუაცია მოახდინა, რომელთა უმეტესობა ხანდაზმული იყო და გაფრთხილებებს ვერ გაითვალისწინებდა.

მეტეოროლოგებმა და ხელისუფლების წარმომადგენლებმა გააფრთხილეს მოქალაქეები ამინდის პირობების გამო ტყის ხანძრების გაზრდის შესახებ ხუთშაბათამდე.