ინდოეთის ოკეანეში ნავი ჩაიძირა

ტანზანიაში, ინდოეთის ოკეანის სანაპიროზე ნავის ჩაძირვის შედეგად 5 ადამიანი დაიღუპა და 6 დაიკარგა.

ოფიციალურმა პირებმა განაცხადეს, რომ ტანგას რეგიონში, პანგანისკენ მიმავალი და ჩაძირული ნავიდან ჩამოვარდნილი 5 ადამიანი დაიღუპა, რომელთა ცხედრებს უკვე მიაკვლიეს.

მათივე განცხადებით, დაკარგულად მიჩნეული ადამიანების სამძებრო-სამაშველო სამუშაოები გრძელდება.

პანგანის რეგიონალურმა კომისარმა მუსა კილაკალამ აღნიშნა, რომ ისინი თანამშრომლობენ კენიასთან ინციდენტის შესახებ ინფორმაციის შესაგროვებლად.