უნივერსიტეტში მომხდარი თავდასხმის შედეგად მრავალი ადამიანი დაიღუპა

ჩეხეთის მთავრობამ განაცხადა, რომ პრაღაში, კარლის უნივერსიტეტში მომხდარი თავდასხმის შედეგად ბოლო მონაცემებით, 15 ადამიანი დაიღუპა.

ქვეყნის პრეზიდენტმა და პრემიერ-მინისტრმა დაღუპულების ოჯახებს სამძიმარი გამოუცხადეს და თანადგომა აღუთქვეს.

შეგახსენებთ, რომ გუშინ, ჩეხეთის რესპუბლიკის დედაქალაქ პრაღაში, კარლის უნივერსიტეტის ფილოსოფიის ფაკულტეტზე შეიარაღებული თავდასხმის შედეგად 15 ადამიანი დაიღუპა და 24 დაშავდა.