ღაზას სექტორში ისრაელის თავდასხმების შედეგად დაღუპულთა რიცხვი 18 ათას გასცდა

ღაზას სექტორში ისრაელის თავდასხმების შედეგად დაღუპული პალესტინელების რიცხვი 18 ათას 205-მდე გაიზარდა.

ღაზას ჯანდაცვის სამინისტროს ცნობით, თავდასხმების შედეგად დაღუპულთა რიცხვი ისევ გაიზარდა და 18 ათას 205-ს მიაღწია.

დაღუპულთაგან უმეტესი ბავშვები და ქალები არიან.

შეგახსენებთ, რომ ჰამასის სამხედრო ფრთამ, „ალ-ყასამის ბრიგადამ“ 7 ოქტომბერს გამოაცხადა, რომ დაიწყო ყოვლისმომცველი შეტევა ისრაელზე, სახელწოდებით „ალ-აქსას წარღვნა“. მაშინ, როცა ღაზადან ისრაელის მიმართულებით ათასობით რაკეტა გაისროლეს და შეიარაღებული ჯგუფები შევიდნენ რეგიონის დასახლებებში.

ისრაელის არმიამ ასევე განაცხადა, რომ სამხედრო თვითმფრინავებით დაიწყო ღაზას სექტორის წინააღმდეგ „რკინის ხმლების“ ოპერაცია.